Te Kura Kaupapa Māori o Wairarapa
Ruia te taitea, kohia te rangiura
Pānui
Wahanga Ako 4 wiki 6
20 o ngā rā o Whiringa a-rangi 2018
Tēnei tātou e tātou e tangi nei, e mihi nei, e poroporoaki nei i a Nanny Ngaro. E te tūpuna whaea, haere atu rā, e moe rā ki Hawaiki nui, ki Hawaiki roa, ki Hawaiki Pamamao. Koutou katoa mā, e moe. Āpiti hono, tātai hono, ko ngā mate ki a rātou. Āpiti hono, tātai hono, ko tātou e te hunga ora, e te whānau, tēnā koutou katoa.
Te tuku aroha ki a Nanny Ngaro/ Paying respects to Nanny Ngaro
I te ata nei, i haere te kura ki te tuku i te aroha ki a Nanny Ngaro ki te marae o Te Ore Ore. Ka rawe te mahi poroporoaki o ā tātou tamariki me ngā kōhungahunga o te kōhanga reo. I te marae, i kōrerohia tātou ngā kōrero e te poropiti, a Paora Pōtangaroa me tāna kī i ngā rā o mua, arā, ka mate te reo o te kāinga nei, engari anō ā tōnā wā ka ora anō te reo. Ko Nanny Ngaro tētahi o ngā kaiako tuatahi o te kāinga ki te tautoko me te arahi i ngā kōhanga reo i Whakaoriori.
This morning, the kura went to pay their respects to Nanny Ngaro at Te Ore Ore. Our tamariki, along with the kōhanga reo did us proud. We spoke about our tūpuna of our tamariki, Paora Pōtangaroa, who once said, that te reo Māori would one day die, however, he also predicted that it would once again become a living language. Nanny Ngaro, was one of the first kaiako to support and guide the kōhanga reo in Whakaoriori.
Activities Week/ Te wiki mō ngā tūmahi haerenga
Tirohia te pānui mō ngā whakamārama. Please see the attached pānui.
NCEA exams/ Ngā whakamātautau mō NCEA
Kua tata oti i ā tātou tamariki wharekura ngā whakamātautau ō waho mō te NCEA. Ka wani hoki ā rātou mahi. Me mihi tātou katoa ki a, Jamie, rātou ko Troy, rātou ko Martine, ko Logan, ko Rarauia, ko Kawana, ko Kaia, ko Matua, Anahera Taylor-Rangi, Matariki, Hinewhakaruhiakiterangi, Tommy, Judith, Anniko, ko Taurawhero, Mihiroa, Maioha.
All of our tamariki wharekura have almost completed all their external NCEA exams. Well done!
Aroha nui, nā Hohepa Campbell
E te Ti , E te Ta
E ngā Kākākura he mihi mahana ki a koutou katoa e te whānau o Te Kura Kaupapa Māori o Wairarapa.
I tēnei wāhanga ko te aronga, ko ngā ratonga. I tirotiro ngā tauira ki ngā momo mahi ratonga rerekē kia rongo hoki ai rātou ki ngā mahi tautoko i te hāpori me te kore utu. Tuatahi i haere mātou ki te tūtaki i ngā kaimahi o te whare Whaiora. Ko Whaea Katarina Te Tau tētahi kaikōrero mō ngā mahi i roto i tēnei whare. Ko te nuinga o ngā mahi, kaitiaki tīnana o ngā tāngata tūroro. Tētahi mahi manaaki tamariki me te whānau.
Tuarua i tērā Rāmere i haere te Wharekura ki te Whare Whakatā o Cornwall ki te whakangahau i a rātou me te tohatoha pūrakau me ngā waiata o te Wairarapa. Mihi nui ki a Matua Reece Rhind te Kaiwhakahaere, ngā kaiāwhina me ngā Kaumatua ō tēnei whare. He pai tēnei haerenga ki te tautoko te hāpori me ngā ratonga. Tino harikoa te ngākau o ngā ākonga ki te tautoko tēnei kaupapa.
Nā Whaea Althea Vercoe
Wahanga Ako 4 wiki 5
13 o ngā rā o Whiringa a-rangi 2018
E te whānau, tēnā koutou katoa
Chinese Teachers/ Ngā kaiako hainamana
He nui ngā mihi a ngā kaiako nō Hainama me ā tātou tiaki i ā rāua. Ko te wawata nui ka haere tonu ngā whakawhanaungatanga i waenga nui i ā tātou me ngā kaiako o te tāone tuahine o Whakaoriori o Chang Chun. Ā tōna wā pea ka āhei ētahi o ā tātou tamariki ki te rere atu ki reira me te whakawhanaunga ki ā rātou tamariki, ānō nei, ka rere mai ā rātou tamariki ki ā mātou. E whai ake nei ngā pikitia o te kaupapa tunu kai i whakahaeretia mā ngā mātua me ngā tamariki o te kura.
The Chinese kaiako would to extend their thanks for us supporting them while visiting Masterton. We hope that our whanaungatanga relationship continues with the sister city kaiako in Chang Chung, China continues with us. We also hope that maybe one day we will allow some senior tamariki to do homestays in China and vice-versa Chinese tamariki come to Masterton for a homestay.
Te tiki Tamariki/ Afternoon Tamariki Pickups
Mātua mai, pakeke mai, kia kaha rā te tiki i ā koutou tamariki i te kura i te wā tika. Ka oti te kura i te 3 karaka. Kei te tatari ētahi tamariki teina tae noa ki te 3:30 i ngā ahiahi. Mehemea kua tīnihia ō nama waea, tēnā whakamōhio mai. Kia kaha mātua mā.
A reminder to all whānau kura finishes at 3pm. Some of our babies are waiting till 3.30pm to be picked up and we are unable to get in contact with parents. If you have changed your cell please update at the tari.
Ngā mihi, nā
Matua Hohepa Campbell
NĀ TE AKOMANGA O WHAEA KIRI
Ngā mahi o Kura Waenga ki Te Papa
I te timatanga o te wahanga tuatoru, i haere mātou te akomanga o te kura waenga ki Te Papa. I roto i ngā rā e rua, i ako ngā tamariki ki te maha hoki o ngā mea mīharo e pā ana ki ngā mahi hikohiko. I tērā wiki, i tae mai ngā kaiwhakaako i Te Papa ki te kura nei ki te whakaako i ngā tamariki ki te whakamahi i tētahi tau pānga, ā, ko Clap Motion tērā. I runga i te tau pānga nei, i taea e ngā tamariki te hanga kiriata mā te whakamahi i te maha hoki o ngā pikitia. He tino waimarie mātou o te kura waenga ki te ako i ētahi mea hou e hāngai atu ki te hangarau matihiko.
He tino koi te maha hoki o ngā tauira i roto i tēnei mahi. Miharo!
Wahanga Ako 4 wiki 4
6 o ngā rā o Whiringa a-nuku 2018
E ngā reo, e ngā mana, e ngā raurangatira mā, tēnā koutou katoa. He mīharo rawatu kia kite atu i te Tama Nui i te Rā e puta mai ana. Te hari koa hoki o ngā tamariki ki te omaoma haere i waho i ngā wā kai. It’s great that Tama Nui i te Rā is appearing more often. Our tamariki are enjoying themselves running around outside.
He arotake kaha kōrero me te kounga o Te Reo Māori/ A review of the use and quality of Te Reo Māori.
I tēnei wāhanga ako e arotake ana tātou i te kaha o te kura ki te kōrero i Te Reo Māori, ā, kua whakaputaina e ētahi pakeke ō rātou pouri ki te rongo i te reo pākeha i ētahi wā. Nā reira, tēnā koa whakakīa te puka patapātai e tāpiritia ana ki te pānui me te whakahoki mai ki te kura. This term we are evaluating how well we are doing at using Te Reo Māori at kura. Some of our parents have expressed concerns about the prominient use of English. Please complete the survey attached to this pānui and send back to kura.
He maha ngā rautaki e taea ai e tātou te whakahaere kia piki ake ai te kounga o te reo me tō tātou kaha ki te kōrero i Te Reo Māori. There are many strategies that we can implement to improve the quality of Te Reo spoken as well as the use of Te Reo Māori.
Tērā tētahi kīanga kōrero; Mā te mahi tahi ka ora te iwi. There is an expression often use. By working together we will save our people. Tēnā, me whakahoki mai ia whānau tōnā puka patapātai. Please, each whānau must return their survey form
Kia kaha tātou. Ko Te Reo Māori o mauri o te mana Māori. Lets be strong. Te Reo Māori is the life-force of us as Māori and the mana we have.
Aroha nā,
Hohepa Campbell
Haerenga Roopu Fundraiser
Tickets $12 for 2 course meal,
Chop Suey, Rice, Potatoes Salad, Chicken Drumstick, Slice of Rewana bread, Steam Pudding and Custard
Friday 9th November @ Kura Hall 5pm
Contact whaea Kiri 027 305 3858
Te Akomanga o Kura Waenga
Nā Whaea Lilly te kōrero
Tēnei rā te mihi maioha ki a koutou katoa e te whānau o te Kura Kaupapa Māori o Wairarapa. Kua tae tātou ki te wiki tuawhā o tēnei wāhanga ako o te tau. Tāku harikoa kei te piki haere ngā āhuatanga papai o a koutou tamariki me o rātou āhua hīkaka ki te ako.
I tēnei wāhanga i piki mai tokowhā o ngā tau 3 ki tā mātou akomanga, a Jahkaya rātou ko Turoa, ko Henare me Talicia. Kua tau tā rātou noho i waenga i ngā tamariki o tēnei akomanga. Miharo!
Ko tā mātou kaupapa ako i tēnei wāhanga ko te titiro ki te Haumarutanga me ōna āhuatanga. Nō reira i aro mātou ki te pātai ‘ka pēhea tātou e noho haumaru ai?’ Ka puta ngā whakaaro maha e pā ana ki te haumaru pēnei i te tiaki i ngā tinana ina wera rawa te rā, te panipani kiri, te tūpato ki te ahi me te noho haumaru i ngā tāngata whakaweti. Mai i tēnei ka aro mātou tuatahi ki ngā tāonga horomata hei whakapiki ake i ngā āhuatanga o tēnā, o tēnā pēnei i te manaakitanga, te tiakitanga, te aroha, te mihimihi, te hūmarietanga, rangimārie, whakaute, arā noa atu.
Ka hanga ngā tauira i ētahi whakaaro e whakaahuatia ai i aua horomata. I whakahaeretia hoki he tūhura e kite ai rātou i ngā āhuatanga e pā ana ki tēnā mēnā ka tūkinotia, ka arohatia rānei. Kei te harikoa ngā tamariki me te ū hoki ki ngā mahi. Tau kē!!! Nō reira e aku manu taiko, tēnā koutou katoa.
Nāku noa
Whaea Lily
Wahanga Ako 4 wiki 3
30 o ngā rā o Whiringa a-nuku 2018
Tēnā koutou e ngā mātua. Tēnā hoki koutou e manaaki nei i ā tātou tamariki i te kāinga.
Te tunu kai hainamana/ Chinese Cooking
Ā te Wenerei me te Taite i tēnei wiki, e tū ana tētahi akoranga tunu kai hainamana mā ngā mātua. Ko ngā kaiako hainamana ngā kaiako. Ka tīmata ngā akoranga a te 4:30, ā, ka mutu ā te 6:30. Kei te ako i ngā mātua ki te tunu i te kai motumotu hainamana. Kāore tōnā utu.
On Wednesday and Thursday afternoon, we are holding Chinese cooking lessons with parents of our whānau. Our Chinese kaiako, from Changchun city, in China will be the kaiako. The lessons are from 4:30 to 6:30. You will learn how to make a range of dumplings and other, easy to make kai for your whānau. There is no cost for this kaupapa.
He kōhikohi pūtea mō Fiji/ Fiji Fundraiser – $12
Ā te Rāmere, ā tērā wiki, ā te 9 o ngā rā o Whiringa ā-rangi, e whakahaeretia ana e te kura tētahi kaupapa kohikohi pūtea mā ngā tamariki e haere ana ki tāwāhi ā te mutunga o te tau. Tirohia ngā kōrero kei te whārangi tuarua.
On Friday next week, 9th November, there is a fundraiser at kura to support those tamariki going overseas at the end of the year. Please see the details on page two.
Hui Whakamana – 11 o Hakihea/ 11 December 2018
E te whānau, kei te tū te hui whakamana ā te Tūrei, te 11 o ngā rā o Hakihea. Ko te rā whakamutunga mō te tau tēnei. Ka tīmata i te kai huhunuā te 5:00, ā, ka tīmata te hui whakamana ā te 6:00 i te ahiahi pō. Nau mai, haere mai.
Our hui whakamana is being held on 11 December 2018, which is the last day of school for the year. We will start with a BBQ at 5:00 and the hui will start at 6:00 p.m.
Parakuihi ā te Rāmere/ Friday Breakfast
Kei te whakahaeretia e ngā Nanny te parakuihi ā te Rāmere. Tēnā haere mai ki te tautoko. Ko Nanny Frances me ōnā kuia o Te Peka o Wairarapa. Ngā Wāhine Māori Toko i te Ora. Ka tīmata tēnei kai ā te 8:00 i te ata. Nau mai, haere mai.
The Nanny’s are holding breakfast on Fridays. Nanny Frances and other Nanny’s from the Te Peka o Wairarapa will be our cooks. This starts at 8 a.m. Everyone is welcome.
Te Pō Tuku Tāonga mō te hākinakina – Māori Sports Awards
Kei te tono a matua Hone kia haere mai tokowaru ngā tamariki hākinakina ki tēnei pō whakangāhau. Mānā e kōrero ki ngā whakahaere ā ngā tima hākinakina ki te tohu i tētahi o ā rātou tamariki ki te haere mai. Kei te tū tēnei kaupapa ā te pō o te Taite, 29 o Whiringa ā-rangi 2018. Mātua Hone with coaches of sports teams will be selecting 8 tamariki to participate in the Māori Sports Awards evening on Thursday 29th November 2019.
Ngā mihi aroha, nā
Hohepa Campbell
NĀ TE AKOMANGA O WHAEA MARATA
Te Aho Matua
Kei te whai tikanga te ao Māori i roto i te ao o te tamaiti.
Ko ngā mahi katoa o tēnei kaupapa kei te hāngai ki ngā matapono, ngā kōrero, ngā tino uaratanga o te aho matua.
E aku nui, e aku rahi, e ngā mātawaka, nau mai hoki mai ki te wāhanga tuāwha o te tau nei 2018. Nau mai rā hoki ki ngā ākonga hou kua uru mai ki roto i a kura teina, a Te Reimana rāua ko Kaiarahi. Ko te manako, ka pai o kōrua noho ki waenganui i a mātou. Ōtira kia tātou te whānau tēnā rā tātou katoa.
Kaupapa Pakirehua mō tēnei wāhanga
Haumarutanga
“Mā te rāhui tātou e tiaki”
E ai ki te pukapuka He Rāhui mā te haumarutanga tātou e tiaki. Nā whaea Pania Reiri-Smith i tuhi, arā, nā ngā tamariki o Te Kura Kaupapa Māori nei i whakaahuatia, i whakatauiratia. Mō ngā wiki e rua kua pahūre ake nei, kua ako a kura teina ki ngā wāhi rāhui o te kura kia mōhio ai rātou he mea whakatupato ēnei wāhi. I hīkoi ngātahi mātou i te kura ki te tiro haere ki ngā wāhi kua rāhuitia. Kātahi rātou ka mākahia ki te tiokā, a, ma te kaiako i peitā ki te peitā mumura. He momo rautaki tēnei mō ngā tamariki i a tau, i a te wāhanga, te ako me te hoki atu ki ēnei wāhi rāhui. I ako hoki mātou i ngā haumarutanga o roto i te akomanga, arā hoki, ngā ahuatanga e noho haumaru ai te tangata. Hei te wiki e tū mai nei kei te aro atu mātou ki ngā haumarutanga o ngā Marae. Ka wani kē kura teina.
Nāku noa whaea Marata.
Wahanga Ako 4 wiki 2
23 o ngā rā o Mahuru 2018
E te whānau, tēnā koutou katoa. Ko te manako nui i whai wāhi ai ngā whānau ki te whakawhanaunga me te whakatā i te mutunga wiki e whakanui ai te rā Reipa. We hope whānau had an opportunity to relax and socilise with family and friends.
Kaiarahi Hikitapua Martin – tōnā whakaahua/ his photo
Kāore a Kaiarahi i te kura i tērā wiki, nā reira, kua tukuna tāna whakaahua i tēnei wiki. Nāu mai, hoki mai ki te kura e tama. Tēnei anō te whānau e mihi nei ki a koe. We did not publish Kaiarahi’s photo last week because he was absent due to illness. We welcome him back back to kura.
Kaiarahi Hikitapua Martin
Tokorua ngā kaiako Haimana/ Two Chinese exchange teachers.
Kara and Heather
Kei te manaaki tātou kia tokorua ngā kaiako nō Haina ia Rāmere mō ngā wiki e toru. Kei te mahi tahi ki tōku tahi Kua whakaae mai rāua ki te whakatū i tētahi kaupapa tunu kai mō ngā pō e rua ā tērā wiki, ā te Rāapa me te Rāpare mai i te 4:30 p.m ki te 6:30 p.m Mēnā kei te ngākau nui ki tēnei kaupapa, tēnā tonoa mai tō ingoa ki a whaea Lou ki te tari.
We are hosting two exchange teachers on Friday’s for three weeks. They are working along side myself teaching English to wharekura students. Next Wednesday and Thursday they have agreed to do cooking with parents. If you would like to participate, please let whaea Lou know in the office.
Aroha nui, nā Hohepa Campbell
NĀ TE AKOMANGA O WHAEA ANA
Tēnei te mihi matakuikui, te mihi miharo ki ngā ākonga, ki ngā whānau o te Kura Kaupapa Māori o Wairarapa. Nau mai hoki mai ki te wāhanga mutunga o te tau arā te wiki tuarua.
I tērā wāhanga waenganui i te mahi Pakirehua i ako tau tahi ki te māra kai. Kātahi ka whakatō rātou ki a rātou kākano kāroti. Tua tahi i mahi rātou ki te ohiomanomano o te whakatō, ka kōrero, ka wānanga mātou mō te kaupapa māra kai.
I tino miharo ngā tamariki ki te ako, ki te whakatō kākano ki roto i te ipu. Tēnei wāhanga ka whakatō ki roto i te māra kai o te kura nei.
Nō reira ngā mihi māhaki ki a koutou kātoa.
Nāku nā, Whaea Ana Ripia Graham.
Tēnei wāhanga 4
He tamaiti hou o te kura arā ko Te Reimana. E kaha ana ia ki te mahi pāngarau. Kei te aro ia ki ngā ānga tau 1 ki te 10. Ka whāriki ia ki ngā tau 1-10, kātahi ka hono ia ki ngā paraka tae ki runga i ngā āhua tau. Arā mehemea ko te tau 4 e puta ana, ka waiho ngā paraka e whā ki runga i ngā āhua. Kaha ia hoki ki te tatau ki ngā tau. Nga mihi ki a koe Te Reimana.
Wahanga Ako 4 wiki 1
16 o ngā rā o Mahuru 2018
Nau mai hoki mai ki te kura. Tēnei tātou e mihi ki a Io Matua te kore. Ko ia ko te otorokohanga o te ao.
Tēnei anō tātou e mihi nei ki Rangi Nui e tū iho nei, ki a Papa e takoto ake nei. Haere atu rā e ngā mate o te wa, haere atu rā, e moe. Āpiti hono tātai hono, ko te hunga mate ki a rātou. Āpiti hono tātai hono, ko te hunga ora ki a tātou, tēnā koutou katoa.
Tamariki mai, mātua mai, kaumātua mai, tēnā koutou katoa! Nau mai, hoki mai ki te kura. Children, parents, our elders, greetings! Welcome back to kura.
Ngā tamariki hou/ New Entrants
Kātahi ngā tamariki tokorua ka tīmata i te kura inanahi. Ko Kaiarahi Hikitapua Martin rāua ko Te Reimana Davidson te tokorua rā. Ko Te Reimana e piri ana ki tāna kaiako. Nau mai, whakatau mai ki tō kura, e tama. Ka aroha hoki ki a Kaiarahi i te mea e māuiui ana ia i tēnei rā. Ā tērā wiki ka whakaputangia e tātou tāna whakaahua.
Two new tamariki started kura yesterday. The two who started are; Kaiarahi and Te Reimana. We welcome them both to their kura. We extend our love to Kaiarahi who is sick today so we will publish his photo in our pānui next week.
Paetukutuku o te kura – Kura website
I te hui whakamana i tērā wāhanga ako i whakarewatia e tātou tō tātou paetukutuku ā-kura, e tuku ana tātou i ā tātou whakaahua, ngā pānui me ngā kōrero o te kura ki taua wāhi. Tēnā, whakapukapukatia tātou
At our last hui whakamana we launched our kura website. We will be putting all our photos, pānui and other information on the website. Please book mark us.
Ngā hākinakina/ Sports
Kei te whārangi tuarua ētahi kōrero mō ngā hākinakina o te wā nei, tēnā tirohia. Inā e watea ana koe ki te āwhina, whakapā atu ki a matua Hone. Tēnā awhi mai. Please see page two about sports. If you can help, please make contact with matua Hohepa. Please help.
Aroha nui nā
Matua Hohepa Campbell
15 o ngā rā o Mahuru 2018
NĀ TE AKOMANGA O WHAEA BUBBA
Tēnei te mihi atu ki te wāhanga tuawhā o te tau. Tū ai te pōwhiri mō ngā ākonga hou o te kura i te rā tuatahi. Tokorua ngā rangatira i ahu mai i ngā kōhanga reo o Wāhi Reka, ko Te Reimana Davidson tēra, me te kōhanga reo o Hinetearorangi, arā, ko Kaiarahi Hikitapua-Martin tērē. Nō reira, e ngā mana e ngā reo, e ngā whānau, nau mai haere mai. Mō te toenga o ngā tamariki, kua tau rātou katoa ki Kura Teina, ā, e rerehua nei hoki rātou ki ngā mahi ako.
NGĀ POU E WHĀ Ō TE KURA
I tēnei wāhanga e kaha pumau ana mātou ki te whakaako i ngā pou e whā o te Kura. Kei te hanga ngā tamariki i tētahi tangata tipua, tuatangata rānei, ā, ko tā rātou ihiihi ko tētahi o ngā pou pērā i te Kōrero Māori, he manaaki tangata, tiaki i ngā rawa, me te tautoko i te ako. Mīharo katoa ki ngā tamariki te hangahanga me te whakanikoniko i wā rātou mahi.
PAKIRĒHUA
“Mā te rāhui tātou e tiaki”
Ko te kaupapa mō te Pakirēhua ko te “Haumarutanga”. I tīmata tēnei wāhanga ako ki ngā wāhi rāhui o te Kura. I hīkoi haere a Kura Teina huri noa i te Kura kia kite ai ngā tamariki i ngā wāhi rāhui nei. Nā tēnei mahi i ako ngā tamariki i ngā wāhi haumaru me ngā wāhi kāore e taea te puta i ngā wā Kura. Ko ētahi o ngā whāinga mō tēnei kaupapa kia mōhio ai te tamaiti i ngā wāhi rāhui huri noa i te Kura, te haumarutanga o te tangata ā- wairua, ā-tinana hoki. Ka tirohia hoki ngā haumarutanga i rō wai pērā ki ngā moana, awa me ngā roto, ngā haumarutanga o Tama-nui-te-Rā me ngā haumarutanga i rō ngahere anō hoki.
Nāku iti nei,
Whaea Bubba
Wahanga Ako 3 wiki 10
25 o ngā rā o Mahuru 2018
E te whānau, tēnā koutou katoa. Tēnei au e mihi nei ki a koutou katoa me ngā āhuatanga o te wā.
Ka nui te mahi a ngā tamariki i tēnei wāhanga ako. Ko te manako nui ka noho mauritau ngā mātua me ngā tamariki ki te kāinga i ēnei hararei. Tamariki have had a big term. We wish all parents and children a restful and peaceful time during the school holidays.
Hui Whakamana & Kai Tahi
Āpōpō e whakatūria ana e tātou te hui whakamana. E tīmata ana te hui whai muri i tā tātou kai tahi. Ka tīmata te kai ā te 1:00 p.m, ā, kā tīmata te Hui Whakamana ā te 2:00 p.m.
Mō te kaitahi, me mau mai e ngā tamariki ngā kai e whai ake nei;
Tamariki teina – hanawiti, paraoa
Tamariki waenga – keke, pihikete
Tamariki wharekura – kai wera
Tō REAP Ahurei Kapa Haka ā ngā kura
Ā te Rāmere nei e tū ana ngā tamariki ki te ahurei kapa haka ki te kāreti o Wairarapa. E tū ana ā tātou tamariki ā te 1.25 i te ahiahi, ā, ko te wharekura te rōpū tuatahi, kātahi ko te kura teina me ngā tamariki kura waenga te rōpū whakamutunga. KIA MATAARA. Kaua e tae tomūri mai me te tūpono nei kua kapia mai ngā kuaha.
Hui Whakamana & Kaitahi
Wednesday 26 September 2018
Tomorrow we will be holding our hui whakamana. The hui starts after shared kai. Shared kai starts at 1:00 p.m and hui whakamana starts at 2:00 p.m.
For our shared lunch, we are organising our tamariki to bring the following;
Tamariki teina – sandwhiches, buns
Tamariki waenga – cakes and biscuits
Tamariki wharekura – hot food
REAP Schools Kapa Haka Festival
The kura is performing at the REAP schools kapa haka festival at Wairarapa College on Friday. Our first rōpū starts at 1.25 with wharekura, followed by teina and then tuakana. IMPORTANT Don’t arrive late, because the doors may be closed.
Aroha nui nā
Matua Hohepa Campbell
NĀ TE AKOMANGA O MATUA WAKE
Ngā mihi nui e te whānau
I ahu mai te kūmara nō Hawaiki nui, Hawaiki pāmamao. Nā o mātou mātua tūpuna i kawea mai ki Aotearoa nei, hei whāngai i ngā uri whakaheke, kia kore ai e mate te iwi i te hiakai.
Ko Rongomātane te atua o te kūmara me ngā hua māra kua whakatōngia e te tangata.
I tēra Rāhina i timata ai ngā tauira o te Wharekura ki te whakarite i te māra mo te whakatō kūmara.
I kōwhiringia e te wharekura i te puke puke māra kei te taha o te māra tūturu o te kura, ki te taha o taiapa o Te Kōhanga Reo o Wahi Reka.
Kua timata kē te wharekura ki te aki aki kūmara ki te whakatipu tipu kākano ki roto pōuaka tāpapa. Ko te tūmanako kia puta mai ngā tipu mai i ngā kūmara hei whakatōngia ki te one puke māra nei kia tipu ai.
I mua ake i tēra ko te mahi whakarite one one kia whakauru i te onepū ki te one. Ko te tikanga o te whakauru onepū ki te one ko te mea, ka whakamāhana ai te onepū i te one one hei aki aki i ngā tipu ki te tipu, ko te mea ano ka āheingia te onepū ki te whakawātea ai i te wai o roto i te one one ki te puta pai ai. Īna ka noho ai te maha o te wai ki te one one ka pīrau haere ngā hua kūmara.
Ko te mahi inaiānei ko te tiaki i te māra ara hei te wāhanga tuawhā ko te tumanako ia ka whakatō tipu kūmara.
Nā Matua Wake
Wahanga Ako 3 wiki 9
Wahanga Ako 3 wiki 9
18 o ngā rā o Mahuru 2018
Haere atu rā e te māmā whāngai o whaea Althea
Tēnei tātou e poroporoki nei ki te whaea whāngai o whaea Althea. Haere atu rā, e moe rā, e te kuia. Ko rātou ki a rātou ko tātou ki tātou, tēnā anō hoki tātou katoa. E ngā iwi, e ngā reo, ānei ngā pito kōrero o te wā nei.
Last week, the whāngai Māmā of whaea Althea passed away. We acknowledge her and farewell her. A group of our whānau went to the tangihanga last week.
Hui Whakamana a te Rāapa 26 o Mahuru 2018 Wednesday 26th September 2018
Ā tērā Rāapa e whakatūria ana e tātou te hui whakamana i te mea e tū ana te ahurei kapa haka ā-rohe ā te Rāpare me te Rāmere.Tirohia te wātaka e whai ake nei.
On Wednesday we will be holding our hui whakamana. This is because the Wairarapa Primary schools kapa haka festival is being held on Thursday and Friday. Please note the following.
Hui Whakamana Hōtaka – The Programme
1:00 – 2:00 Kai tahi – Shared lunch
2:00 – 3:00 Hui whakamana
Mō te kai tahi, tēnā koa, me mau mai e ngā tamariki te kai e hāngai ana ki tō rātou akomanga.
For our shared lunch, we are organising the tamariki to bring the following.
Tamariki teina – hanawiti, paraoa – sandwhiches, buns
Tamariki waenga – keke, pihikete – cakes and biscuits
Tamariki wharekura – kai wera – hot food
Te Ahurei Kapa Haka ā ngā kura
REAP Schools Kapa Haka Festival
E tū ana te Ahurei kapa haka ki te kāreti o Wairarapa ā tērā Rāpare me te Rāmere. Kei te tū tō tātou kura ā te ahiahi o te Rāmere. Me tae atu koe ki te kareti ā te 1:00 p.m. Kaua e tae tōmuri mā te mea tērā tētahi ture hei whakakapi i ngā kuaha.
The REAP schools kapa haka festival is being held next week at Wairarapa College. Don’t arrive late, because the doors may be closed. Our first rōpū starts at 1.25 with wharekura, followed by Teina and then tuakana.
Aroha nui, nā
Matua Hohepa Campbell
NĀ TE AKOMANGA O MATUA HONE
Te Ariki ki Taranaki
Tēnei te reo mihi e rere ana ki a koutou e ngā kaihāpai i te kaupapa nei, te kaupapa kua whaihotia e o tātou tīpuna, arā, ko te kaupapa kia whakaora i tō tātou reo Māori. Otira ki ngā Kohanga Reo me ngā Kura kaupapa Māori, ngā puna e tū ana kia āhei tātou te iwi whānui te hiki i ngā tikanga, i te reo rōreka kia kaua rā e pērā ki te moa kua riro ki te kore hāhātanga.
Ngā mate o te wā, tēnei te mihi aroha e rere ana ki te hunga mate, tauhōkai atu rā ki tua, moe atu i te moenga roa. Kāti, ka hoki ki te ao mārama.
Ka huri te kei o te waka kia tuku mihi ki a Taranaki maunga, otira Te KKMo Ngāruahinerangi nā rātou mātou i tiaki, i manaaki, i whāngai inā tahi wiki i tā mātou haerere atu ki roto o Te Hawera kia whakakotahi mō te kaupapa ki te whakanui i a Titokowaru me tōna pā kainga Te Ngutu o te manu.
I haere atu mātou Te KKMo Wairarapa kia noho mō te pō ki roto o Taranaki. I noho mātou ki te marae o Taiporohenui ki raro i te manaakitanga o Ngāti Ruanui. Ka whakawhanaunga tahi ki ngā kura kaupapa Māori o Taranaki, o Whanganui hoki. I whakahaeretia he whakataetae Te Ariki, te miharo hoki o te haerenga. Hari katoa ngā tamariki, nā rātou tā tatou kura i whakamana.
Wahanga Ako 3 wiki 8
Wahanga Ako 3 wiki 8
11 o ngā rā o Mahuru 2018
He mihi
Greetings
He mihi aroha tēnei ki ngā mātua o tō tātou kura. Aue, e te whānau, he nui ngā mahi a tēnā me tēnā. Heoi anō, e noho mauri tau ngā tamariki me ngā kaimahi katoa o te kura.
Te Rā Kakahū Kāinga
Mufty Day
Ā te Rāmere e whakahaeretia ana e te kura tētahi rā mau kakahu kāinga. Tēnā, tautokotia tēnei kaupapa mā te tuku i tētahi kapa koura hei mau mai ki te kura a te Rāmere. E tuku ana tātou i te pūtea ka kōhia ki te Pātaka Kai o te tāone.
On Friday, the kura is holding a mufti day. Please support by sending a gold coin with your child to kura. We will donate money raised to the Wairarapa Food Bank.
Te ahurei kapa haka o REAP
Wairarapa Reap Kapa Haka Festival
E tū ana te ahurei kapa haka mō ngā kura katoa o te rohe a te Taite, te 27 o Mahuru me te Rāmere, te 29 o Mahuru ki te kura tuarua o Wairarapa (Wai Col). Kei te tū ā tātou tamariki hei te Rāmere, te rā whakamutunga o tēnei wāhanga ako.
The REAP kapa haka festival is being held on the last week of school at Wairarapa College. We will be performing on Friday afternoon, which is the last day of the term.
Nau mai e hine ki te ao mārama
Welcoming a new baby girl
I tērā wiki i whānau mai tētahi pēpē hou. He mihi aroha tēnei ki a whaea Ayla me tāna pēpē hou. Aroha nui ki a kōrua!
We welcome a beautiful new girl to our whānau. We send our love to whaea Ayla and her new baby. Big cuddles and love to you both!
Te haerenga ki te Te Papa Tongarewa
Trip to Te Papa
Ā tērā wiki e haere atu ana ngā tamariki waenga ki Poneke ki Te Papa Tongarewa ki te tirotiro haere i ngā rawa matahiko me ngā taonga o te Papa. Tō tātou whiwhi, kāore he utu mō te pahi. He tautokotia ā-pūtea tātou e te Papa.
Next week, the tamariki waenga are going to visit Te Papa to look at digital technology as well as other treasures. We are very luck! Te Papa will be paying all transport costs.
Ngā manaakitanga ki ā tātou katoa
Nā
Hohepa Campbell, Tumuaki
NĀ TE AKOMANGA O PIP
Wharekura
Tēnā anō tātou i runga i ngā tini āhuatanga e rerere ana i tēnei wā o te tau. Kua pōwhiri atu tātou ki a Hōtoke kua karanga mai ki a Kōanga. Kei te puawai te taiao me tōna harikoa i te rangona o te mahana. Heoi anō rā ka nui ngā mihi nui whakaharahara ki a tātou katoa.
I tērā wiki i haere ētahi o ngā kōhine o te Wharekura ki tētahi kaupapa whakangungu – he kaupapa whakarite, he kaupapa whakahaere kaupapa. Ko te kaupapa i whakaritea, i whakahaeretia e rātou ko tētahi rā whakanuia a tātou tamariki.
I tae mai rātou ko a rātou hoa i te Rāmere ki te whakarite kanikani, whakarite kēmu, ka whakarite kai anō hoki mō tātou tamariki. Ka nui te harikoa o a tātou nohinohi tae atu ki ngā ākonga o te Wharekura. Kua rangona e tātou ngā hua papai rawa atu o tā rātou mahi me te tūmanako ia ka whakarite kaupapa pērā anō te rawe i mua i te mutunga o te tau nei.
I tēnei wā, kei te pukumahi ngā tuākana o te Wharekura ki te whakaoti mahi, ki te whakaemi tauwhi mō te NCEA.
E hika ka āhua tekau noa iho ngā wiki e toe ana ki a rātou, kātahi ka tīmata a rātou aromatawai ā-waho. Heoi anō e ngā mātua o aua tuākana rā, kia kaha rawa te akiaki i a rātou ki te haere mai ki te kura ia rā, ia rā, waihoki ki te aro atu ki te mahi i ngā pōahiahi kia eke tangaroa ai rātou i te mutunga o te tau.
Nāku nā whaea Pip
Wahanga Ako 3 wiki 7
Wahanga Ako 3 wiki 7
4 o ngā rā o Mahuru 2018
E kui mā, e koro mā, tēnā koutou katoa. E ngā mātua, e ngā tamariki tēnā anō koutou katoa.
He hupa ia rā – Soup everyday.
Tō tātou whiwhi! Ia rā, ia rā kei te tunu a matua Sommie i te hupa mā ngā tamariki. He tino reka te kai hupa ki ā tātou tamariki. I tērā atu wiki, whai muri i te akoranga o Te Ataarangi i whakamātauria e ō tātou kuia te mahi tunu a Matua Sommie. He reka rawa atu te hupa ki a rātou!
We are very lucky! Every day matua Sommie cooks soup for all the tamariki of the kura. Our tamariki love their soup. The other week, after their Ataarangi class, our Nanny’s tested matua Sommie’s lovely soup. According to them, matua Sommie makes a mean soup!
Kapa Haka – Ngā Puawai o te kura
I whiwhi te kura kia whā ngā taonga, arā, ko te poi, te whakaeke, te reo Matatini, te waiata ā-ringa, te taonga whakaihu waka. I te mea, i wikitōria tātou i te whakataetae ā-rohe kei te haere atu tātou ki Ngaruawahia mō te whakataetae ā-motu, ā tērā tau. Kāore anō aua rā kia whakatauria. Kia mōhio te kura ka tere tā mātou whakamōhio atu.
Our kura received four trophies at the regional competition for kapa haka for; action song, best use of language, entrance and overall winner. As a result of coming first, our kura will be participating at the national competition next year in Ngaruawahia. Those dates are still to be confimed. When we are informed about the dates, we will let you know.
Ka mutu ngā kōrero, aroha nui nā, Matua Hohepa Campbell
NĀ TE AKOMANGA O WHAEA ALTHEA
E te hā o te ngākau
E te kū o te manawa
E te reo rangatira
Anei aku kupu mihi
E whakairo ana i te hinengaro
E karanga ana i te aroha
Mihi mahana ki ngā whānau o tēnei Kura Kaupapa Māori o Wairarapa
I tēnei wāhanga tuatoru i aro atu mātou ki te ako ngä mahi o Te Whare Whakairo. I kitea e mātou te mahi whakairo, rākau me te koiwi. Ko ngā mahi i whakahaere, i tu ngā ākonga ki te mahi karakia, i mua i te haere ki te whakairo rākau, koiwi. Kia whakamārama te ākonga ngä whakapapa o Tangaroa te Atua o te moana i roto i tētahi pūrakau o Ruatepupuke. I tīmata mātou ki te tapahi te āhua o te rakai, mātau. Tokorua ngā taonga tētahi hoatu ki tētahi tangata wēnei te tikanga i roto i te Ao o Tangaroa.
Wahanga Ako 3 wiki 6
Wahanga Ako 3 wiki 6
28 o Here-turi-kōkā 2018
Tēnei tātou e mihi nei ki a Ataria Puhara. Te pōtiki hou o te kura. I tīmata ia i tēnei wiki. Ngā mihi aroha ki a koe Ataria!
E te whānau, tēnei au e tuku ana i ngā mihi nunui ki ngā ringa raupā tokomaha nā rātou tātou i āwhina ki te whakatū i te whakataetae kapa haka. Kei te rere ngā mihi nui a ngā pakeke huri noa i te rohe mō ngā whakahaere ataahua. Kei te tū whakahīhī ā tātou tamariki. Ka tika, ka nui ngā mihi aroha ki ā tātou tamariki.
Whānau, I would like to sincerely express our gratitude to the many people who helped us to host the regional kapa haka competition.
We are all super impressed with our tamariki and indeed they should be proud of themselves and we congradulate them for their incredible achivement.
Ngā mihi maioha – We would like to espcially acknowledge the following; Te Puni Kōkiri, Masterton District Council, Trust House, who collectively donated to $7,500.
We would also like to acknowledge; Kia Ora Hauora, Ngāti Kahungunu, Rangitāne, the Arahanga Taylor whānau, whāea Leigh, and all her workers inclding Big Bill, our RTM whaea Ani, the 2 RTLB’s, the 6 Māori wardens, the 11 judges, our awesomes 3 MC’s, the paua divers, the rewena bread maker, matua Wake, Nanny Hinehou for the kawakawa tea, the kapa haka uniform mothers, the organising committee from Awakairangi, matua Ben and his furniture movers, whaea Makuini and Trudy from REAP, Nanny Martha and her kaiāwhina. Our sausage sizzle makers, and ticket sellers and of cause the cleaners!
Lastly we need to thank our kapa haka kaiako, whaea Lilly and her kaiawhina, matua Ben and Manaia.
Ngā mihi nu nui ki a rātou,
Nā matua Hohepa Campbell
Wahanga Ako 3 wiki 5
Wahanga Ako 3 wiki 5
21 o ngā rā o Here-turi-kōkā
NĀ TE AKOMANGA O WHAEA LILY
Tēnā tātou katoa
Ko tā mātou kaupapa ako i tēnei wāhanga tuatoru ko ‘Te Taiao’. I te wiki tuarua i whakahaerea e ngā ākonga tētahi mahi tūhura, he tūhura i te tipu o ngā kākano me te whakaahua i ngā hiahia o te tipu e noho ora ai.
Ka noho ā-rōpū me te ōhia manomano i a rātou whakaaro mō ngā mea ora, a rātou wāhi noho, ā, me pēhea e ora ai? He aha wā rātou haepapa mō te tiaki i ēnei mea orerore.
Ka tīpako i tētahi tupu, ka rangahaua ōna āhuatanga, arā, te wāhi pai mō tōna tipu. Nō reira i turhuratia te tipu o te pihi pīni. I waihotia ētahi ki rō wai ki te taha o te matapihi, ētahi ki roto kāpata, ētahi ki tētahi kokonga o te akomanga. Ka whakawaiwaitia ētahi, kāore ētahi. Ka tirohia, ka rekoatahia te tupuranga o ēnei kākano ia rā. He rawe ki ngā ākonga tēnei mahi.
Ko te kapahaka hoki te aronga o kura waenga i tēnei wāhanga o te tau. Kei te āmaimai haere ngā ākonga. Hei ngā rā e toru kua tū rātou ki runga i te atāmira whakataetae kapahaka.
Nō reira i tino ngana ngā ākonga ki te ako i a rātou kupu, a rātou mahi-ā-ringa me te waiata hoki. Mīharo rawa ēnei ākonga me a rātou reo reka. Rawe hoki ki a rātou te noho tahi me te kai tahi.
Nā whaea Lily
Wahanga Ako 3 wiki 4
Wahanga Ako 3 wiki 4
14 o Here-turi-kōkā 2018
He mihi
Tēnei tātou e tangi nei mō ngā aituā kua mene ki te pō. E te hungarei o whaea Ana, e te whaea, haere atu rā, e moe. Ko rātou ki a rātou, ko tātou ki ā tātou, e aku rangatira, e kui mā, e koro mā, tēna koutou katoa.
Te kore mahi āpōpō mā ngā kaiako kura tuatahi
Action for Primary School Teachers
Hei āpōpō e kore mahi ana nga kaiako kura tuatahi o te motu. Kei te hāngai tēnei ki ngā kaiako i te kura tuatahi anake. He rerekē tō tātou kura, arā, he kura ā-rohe tātou, ā, kei te mahi tonu ngā kaiako katoa o te kura āpōpō.
Tomorrow Primary school teachers are striking. The strike tomorrow does not apply to us because our kura is classified as an area school. All teachers will be at kura tomorrow. Tomorrow the kura is open.
Ngā uiuinga mātua 3 – 4 o Mahuru 2018
Parent Interviews 3 – 4 September 2018
Ā te wiki tuawhitū o tēnei wāhanga ako, e whakahaeretia ana e ngā kaiako ngā hui uiui mō ngā mātua. Tēna koa, whakakī i te pānui a whaea Lou me te whakahoki i te pānui ki te tari me te wā uiui e hiahiatia ana e koe. Kei te tū te hui ā te Mane, te 3 me te Tūrei, te 4 o Mahuru.
On week 7 of this term, parent teacher interviews are being held. Please complete the form that is attached and returns to the Office. The interviews are being held on Monday 3 and Tuesday 4 of September 2018.
Ngā tīkiti mō te kapa haka me te hāngi.
Tickets for the Regional competition and hāngi
Kei te tere pou haere ngā tīkiti mō te kapa haka ($5 pakeke, $2 tamariki kei tētahi kura) me te hāngi ($5). Mena kei te hiahia āwhina koe ki te hoko i ēnei tīkiti, tēnā whakapā atu ki a whaea Lou.
Tickets for the kapa haka competition ($5 for adults, $2 school children, no cost for kōhanga reo children) and hangi tickets ($5) are selling quickly. If you need help to purchase these tickets please contact whaea Lou.
Ngā mihi aroha, nā Hohepa Campbell, Tumuaki
NĀ TE AKOMANGA O WHAEA ANA
Te Aho Matua: Te Taiao 4.3
Haunga tērā, ko te timatanga tika mōna, ko te whai haere tonu i ngā kōrero tuku iho a ngā matua tupuna e pa ana ki te timatanga o te taiao.
Kia mōhio ngā tamariki ki ngā rohe, ki ngā waka, ki ngā kōrero neherā, ki ngā pūrakau, ki ngā pakiwaitara, ki ngā tikanga, ki ngā waiata, ki ngā āhuatanga katoa o tōna ake iwi. Kia mōhio anō ki ngā āhuatanga kātoa e pa ana ki ērā atu o ngā iwi tae noa ki ētahi o ngā iwi o tāwahi.
Tēnei te mihi mātakuikui,te mihi miharo ki ngā whānau o te Kura.
E kaha ana tamariki Tau 1, ki te mahia i ngā tau tuhituhi i ngā tau tāpiri 1 ki te 10. Kaha rātou ki te ako i ngā tau ngaro hoki arā, 0 ki te10, 10 ki te 0. Ka mahi rātou hoki ki ngā ānga tau arā ngā kari irakati kātahi ka hono ngā kari purei me ngā paraka kia mōhio rātou i ngā tau.
Na te kaupapa o tēnei wahanga mō te Pakirehua arā ko te Taiao. Tēnei wiki i ako te akomanga teina i te whakapapa o Ranginui me Papatūānuku. I ako rātou hoki i a rātou tamariki, he aha a rātou mahi ki roto i te Taiao.
Whakatauaki: Ngaro atu he tētēkura, whakaeke mai he tētēkura (kua ngaro atu tētahi rangatira, ā, kua rere tētahi atu rangatira ki te mahi te mahi)
Na: Whaea Ana Ripia Kerehoma-(Graham)
Wahanga Ako 3 wiki 3
Wahanga ako 3, wiki 3
He Mihi
Ka tiritiria ka poupoua ki a Papa-tū-ā-Nuku ki te whai ao ki te ao marama, tīhei Mauri ora. Pāpā mai, Māmā mai, kui mai, koro mai, taiohi mai, tamariki mai, nohinohi mai, tēnā koutou katoa. He mihi maioha tēnei ki a koutou katoa.
Ngā tīkiti mō te kapa haka – 24 o Here-turi-kōka 2018
Kōtahi rau anake ngā tīkiti kei te kura mō ngā mātua o te whānau. E tere ana te kura ki te hokohoko i ngā tīkiti. Tēnā koa, whakapā mai ki a whaea Lou ki te hoko i āu tīkiti. Kua hokona e te kura ngā tīkiti mā ngā tamariki anake o te kura.
Tickets for Kapa Haka Regionals – 24 August 2018
Our kura whānau have been reserved 100 tickets for adult members of our whānau. These tickets are selling fast. Please place your order with whaea Lou ASAP, otherwise you might miss out. We have tickets for all our tamariki enrolled at the kura.
Tickets cost:
Adults: $5.00
Schools age children: $2:00
Kōhanga Reo children: free
Uiui Mātua mō ngā ākonga (3 – 4 Mahuru 2018)
Hei te wiki tuawhitū e whakatū ana te kura i ngā uiuinga mā ngā matua o te kura. Ka tū ēnei uiuinga i te Rāhina me te Rātū o taua wiki. Tēnā koa, whakapā mai ki a whaea Lou ki te whakarite i tētahi wā māu me tō whānau.
Student teacher interview (3 – 4 September 2018)
On week 7, the kura will be holding parents interview. The interviews will be held on Monday and Tuesday of that week only. Please contact the office to make an appointment.
Kura Reo – ki Te Kura Kaupapa Māori o Te Rito – Ōtaki
Ia rua ngā tau ka whakatūria tētahi wānanga Kura Reo mā ngā tamariki pakeke o ngā wharekura. Me tae atu ngā tamariki e u ana ki te reo Māori i ngā wā katoa. E haere ana ā tātou ākonga tau 12 me te tau 13. Tokorima o ā tātou tamariki e haere ana. Tō tātou waimārie, i te mea he kura tēnei mā ngā tamariki kura kaupapa Māori. Ngā mihi nunui hoki ki te Tāhuhu o te Mātauranga e tautoko ā-pūtea nei i te kura nei. Kāore he utu mā ngā tamariki kia haere. Ko matua Hone te kaiako matua.
Advanced Reo School – at Te Kura Kaupapa Māori o Te Rito in Ōtaki.
Every even year, the national body of Kura Kaupapa Māori organises an Advanced Reo School for senior wharekura students. Only tamariki who speak Māori are permitted to attend. Our 5, yr. 12 and yr. 13 tauira meet this requirement and will be attending. We are very fortunate. We need to acknowledge the Ministry of Education who support this kaupapa financially. There will be no cost for our tamariki to attend. Matua Hone is the teacher in charge of this trip.
Tau 8 Poitūkohu – Year 8 basket ball
Tō rātou whiwhi. Kua riro i ā tātou ki 6 ngā tīkiti mō te hōpuni poitūkohu ki te taha o Steven Adams. Ka tū tēnei hōpuni ā te Rātapu 19 o Here-turi-kōkā ki Papaeoia. We are very lucky. We have managed to get 6 tickets for our year 8 students to attend the Steven Adams Camp in Palmerston North on 19 August.
E te whānau, ka nui te mahi. Piki te ora ki a tātou,
nā matua Hohepa Campbell, Tumuaki.
NĀ TE AKOMANGA O WHAEA MARATA
Ko Wairarapa
Ko Wairarapa
Te Karu o Te Ika karaparapa ana
Ki te iwi Māori e tau nei
Pūkana whakarunga, Pūkana whakararo
Nekenekehia, nukunukuhia
Nukunukuhia, nekenekehia Hi!
Nau mai, tauti mai, hoki mai rā tātou
ki te wāhanga ako tuatoru o te tau 2018.
Ko te tūmanako i tutuki pai o koutou hararei me a koutou
tamariki. Kua hīkaka katoa rātou ki te ako i ngā mahi i tā rātou hokinga mai. Ka mau te wehi!
Kaupapa Kōrero mō te pakirēhua: – Wairarapatanga.
I te wiki tuātahi, i hoki atu anō mātou ki ngā tāone rerekē o Te Wairarapa hei whakatutukitanga i a mātou mahi mai te wāhanga tuarua e pā ana ki te Wairarapa.
Kei te hoki atu mātou ki ngā pūrakau o ia wāhi o te Wairarapa e ai ki ngā kōrero a Matua Mike Kawana mō:
Remutaka Maunga:
Nā Haunuiananaia i whakaingotia te maunga nei. Ka noho ia, ka tirotiro haere ia i te awaawa
kei raro me te mamae o ōna whatu i te kaha raparapa o te wai, ā, ka puta ai te ingoa o Remutaka.
Paetūmōkai – Featherston:
Me pēnei kē te kōrero mō taua tāone, me te ingoa nei o Paetūmōkai. I ngā rā o mua, i noho
mai tētahi rangatira ki tērā o ngā wāhi. I a ia tētahi mōkai, he manu, he kāka.
Nā, te kōrero mō tōna mōkai, i whakatau nei te ingoa o Paetūmōkai. I te wiki tuārua, i ako mātou i ngā takutai moana me ngā awa o Te Wairarapa.
I ako mātou ko tēhea o ngā awa ka hono atu ki tēhea maunga. Hei tauira:
Te Maipi Maunga – Kaihoata
Maungarake Maunga – Kourarau
Tararua Maunga – Te Hopuakōrari /Te Hapuakōrari
Taratahi Maunga – Waiāwangawanga
Rangitūmau Maunga – Ruamahanga
I ako hoki mātou i ngā moana pērā, ki te moana o Rangiwhakaoma, Whareama me ētahi atu.